جس نے اللہ کے لیے محبت کی اور اللہ کے لیے بغض رکھا اور اللہ کی رضا کے لیے عطاکیا اور اللہ کےلیے روکا ،تو اس نے ایمان مکمل کر لیا۔
تشریح:
اس حدیث میں مبارکہ میں تکمیل ایمان کے چاراصول بیان کیے گئے ہیں:۔
1- انسان کسی سے محبت کرے تو اللہ کے لیے ۔
2-کسی سے بغض رکھے تو محض اللہ کے لیے ۔
3- انسان کسی کو کچھ عطا کرے تو اللہ کے لیے ۔
4- اور کسی کہ عطا کرنے سے ہاتھ روک لے تو وہ بھی محض اللہ کے لیے۔
حضور صلی اللہ علیہ والہ وسلم نے اس حدیث میں ان چاروں اعمال کو ایمان کی تکمیل قرار دیا ہے۔ اللہ تعالیٰ چونکہ انسان سے بے حد محبت رکھتا ہے لہٰذا انسان کو چا ہیے کہ وہ اپنی محبتوں اور الفتوں کا مرکز اللہ کی ذات ہی کو رکھے ۔ دنیا میں جس سے محبت رکھے محض اللہ کی رضا کے لیے۔ اس کے علاوہ اوّل تو کسی سے بغض نہ رکھے اور اگر کسی سے بغض ہو بھی تو اس کی بنیاد محض یہ ہو کہ اللہ تعالیٰ اس شخص کو نا پسند کرتا ہے، لہٰذا جب کسی سرکش وظالم کو اللہ پسند نہیں کرتا تو ہم کیوں کریں ؟ اس کے علاوہ اگر کسی کو مال عطا کریں تو اس کی بنیاد بھی ریاکاری یا دنیاوی غرض نہ ہو بلکہ اللہ کی رضا ہو اگر کسی سے ہاتھ روکیں تو محض اس کے لیے کہ اس سے اللہ نے ہاتھ روکنے کا حکم دیا ہے۔
Most Beautiful Islamic Images In Urdu For WhatsApp 2020
0 Comments
Please do not type the wrong comment.